Benutzer:Corran-Horn/Hess’irolia’nuruodo
| |
| Hess’irolia’nuruodo | |
|---|---|
| Beschreibung | |
| Spezies: | |
| Geschlecht: |
feminin[1] |
| Hautfarbe: |
Blaag[2] |
| Haarfarbe: |
Swaart[2] |
| Augenfarbe: |
Root[2] |
| Biografische Informationen | |
| Geburt: | |
| Heimat: | |
| Familie: | |
| Beruf/Tätigkeit: | |
| Dienstgrad: | |
| Einheit(en): | |
| Einsätze: | |
| Zugehörigkeit: | |
Hess’irolia’nuruodo, faak slicht Irolia, weer eene Chiss van de Huus Nuruodo, de op Csilla boorn un opstunns de Yuuzhan-Vong-Oorlog ’ne Offzeersch weer. Ehr militärisch Graad weer de van eene Kommandantsch van de Chiss Expansionary Defense Force. 28 NSY is se met’e neeë Jedi-Grootmeester Luke Skywalker op eene Wetenschopsmission döör de Chiss-Ruum gaan. Tooërst weer se de Grupp tegenöver argdenkersch, maar laater hett se se estemeert.
Biographie[Bearbeiten]
Hess’irolia’nuruodo weer üm dat Johr 9 NSY op’n Planeeten Csilla in’t Huus Nuruodo boorn. Al in ehre Jöögd hett se in’n Militär van de Chiss metmaakt un kunnt sick äs Offzeersch ’ne Stelling an de Siet van Baron Soontir Fel verdeenen. 28 Johrn na de Slacht van Yavin is de Jedi-Meester Luke Skywalker met siene Ehfru Mara Jade Skywalker, sien Swesterskind Jacen Solo, de Barabel Saba Sebatyne, den Jedi Danni Quee un Tekli äs ook den restimperialen Soron Hegerty un Arien Yage wegen eene Wetenschopsmission to’n Chiss-Ruum gaan. Daar hett Irolia hem in’e Ümloopbahn van de Planeet Munlali Mafir funnen. Chiss weern Fremden tegenöver bannig argdenkersch, un daarüm is de Kommandantsch met ’ne Begeleiding van eene Frigate un mehrere Nssis-Klass Klauënjager to de Jedi, üm sick över’n Grunn ehre Präsenz in’t Bild to setten. Rendezvouspunt sullt de Widowmaker, de imperiale Frigate van Kapteinsch Arien Yage un Begeleidingschipp van de Jadeschatten, sien. In’n Snack met de Jedi hett Irolia de för’e Chiss typiske Afneigung tegenöver Fremden, vöör allen tegenöver de krüüpdeeraardige Saba Sebatyne, wiest un so Kapteinsch Yage vergrellt. Luke Skywalker hett sick daarüm beliekteekt un vertellt, dat he un siene Lüüd na Henwiesen över den lebennigen Planeeten Zonama Sekot söken wöörn. De Offzeersch hett de Grupp laater för vertroonswaardig holln un Skywalker ünner Oplaag, sick binnen eene Standardwääk för een Prötken met de föhrende Familiën op Csilla to melln, ’n Chip geeven. Met den hett he ’n bissken Togang to’ë Informatschoonen in’e Datenbanken van de Chiss hebben kunnen. Üm sien Gastgever nich unnödig to vergrellen, hett he denn Kurs op den Heimootplaneeten van de inheemsche Speziës sett.[1]
Op Csilla hett Irolia de Baron Soontir Fel, de Assistent-Syndic daar, al över de Fremden in’t Bild sett. Fel drept disse an de Siet van Baas-Stüürmann Peita Aabe, Irolia un eenige Wachten van de Chiss. Skywalker vertellt sien Ansöken nogmaals, maar Fel un Aabe sünd argdenkersch blieven. Daarüm hebben se dacht, dat wöör nütt, de föhrende Familiën üm Raat to frogen, welk Rechten se jem tospreken sulln. Irolia hett dorbi ’n grooten Indruck op Skywalker maakt, äs he markt hett, dat se ’ne belangriek Persöönlichkeit ünner de Chiss sien mööt, wenn se sick bi so een diplomaatsch Binannerkummen stracks an’e Siet van Baron Fel opholln dröff. De Jedi weern to’n Binannerkummen met de föhrende Familiën op Csilla bröcht un hebben daar denn Togang to alle Dokumentatschoonen van de Chiss kregt. Dormit se keene Fisimatenten maaken, hebben se Kommandantsch Irolia an de Siet stellt kregt. Omdat de grootst Deel van de Chiss-Expeditschoonsbibliotheek ut Bökern bestaan hett, harr se nog meer op disse wertvulle Dinge oppassen mööt.[1]
Irolia hett de Mööglichkeit kregt, sick met’e Grupp nöger utnanner to setten, und ook registreert, dat sick de Jedi nich so van ehre Speziës ünnerscheeden, äs se tooërst dacht hett. Dormit weer se eene van de weinige Chiss, de ehre allgemeene Afneigung tegenöver Fremden afleggt hebben. Ganz besünners tegenöver Jacen Solo hett de Chiss ’n bissken Sympathie wiest. Irolia un de Jedi weern maar stört, äs Baas-Stüürmann Peita Aabe in de Expeditschoonsbibliotheek kummen is. He hett nämlich Soontir Fels siene Dochter Wynssa metnomen un seggt, ehr Vadder wöör na se kieken wölln. Irolia un Jacen Solo hebben dat eigenaardig funnen, vöör allen omdat Fel nich na se ropen hett. Daarüm hebben se sick op’e Söök maakt. Un wahrhaftig hebben Aabe un siene Wachten Wynssa verslept, üm Fel ünner Drück to setten, keen Bond met de Galaktische Föderatschoon van Freë Allianzen tegen de Yuuzhan Vong to akzepteeren. Irolia wüllt hem tooërst dootscheeten, maar Solo hett se met’e Macht daaran hinnert, de Aftogg to bedeenen. Wynssa hebben se heel to ehre Ollern brengen kunnt. De Jedi hebben äs Dank ook freën Togang to alle Archive van de Chiss un de Verlööf kregt, sick zonder Begeleiding döör de Wild Space to bewegen.[1]
Persöönlichkeit un Düchtigkeiten[Bearbeiten]
Äs de meeste Chiss weer ook Irolia Fremden tegenöver argdenkersch. Daarüm hett se sick keene Möh geven, ’n fründliche Indruck to maaken, äs se 28 NSY an’t Boord van de Widowmaker kummen is, üm Skywalker un sien Expeditschoonslüüd över ehre Wetenschopsmission to befrogen. Vöör allen tegenöver de nich-humanoïden Saba Sebatyne hett Irolia Vööroordeele hegt, omdat de Barabel eene krüüpdeeraardige Speziës weern un dormit, so Irolia, slicht opsternaatsch un op Büüt ut. Maar met de Tied kunnt se de Grupp better kennenleren un hett so registreert, dat sick de Jedi nich so van ehre Speziës ünnerscheeden, äs se tooërst dacht hett. För’n minsklikn Jacen Solo hett se ’ne besünnere Sympathie wiest. Dissen Jedi-Ridder kunnt se nämlich ook beïndrucken, äs se bi’n Redden van Wynssa zonder Probleemen to hem opsluten kunnt, obschoon he de Macht nutzt hett, üm sick fixer bewegen to kunnen. Se hett sick ook nich van Aabe siene Wachten of hem sülfst schocken laten un weer bereid, hem för sien Verraad doot to scheeten. Omdat sick Irolia good met de Archive in de Expeditschoonsbibliotheek van de Chiss utkennt hett, hebben ook disse in ehre Tostännigkeitsberiek leggt. Irolia weer eene good utbild Soldaatsch un hett äs Kommandantsch in de Chiss Expansionary Defense Force deent. Dorbi hett se sick in’n Riek van de Chiss eene hooge Positschoon verdeenen kunnt, wobi se ehre militärisch Loopbahn al in ehre Jöögd aanfangen hett. Irolia hett dorbi ’n groote Indruck op Skywalker maakt, äs he markt hett, dat se ’ne belangriek Persöönlichkeit ünner de Chiss sien mööt, wenn se sick bi’n diplomaatsch Binannerkummen stracks an’e Siet van Baron Fel opholln dröff.[1]
Quellen[Bearbeiten]
Einzelnachweise[Bearbeiten]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 Das Erbe der Jedi-Ritter – Der verschollene Planet
- ↑ 2,0 2,1 2,2 The Essential Reader’s Companion
- ↑ Eigenübersetzung: „Angriffe aus dem Imperium der Ssi-Ruuk und durch die Yuuzhan Vong sowie unsere Erfahrung mit Großadmiral Thrawn haben uns gelehrt, dass Abschottung sowohl eine Schwäche als auch eine Stärke sein kann.”
- ↑ Eigenübersetzung: „So eine aufgeblasene kleine ...”
- ↑ Eigenübersetzung: „Tatsächlich? Die meisten reptilischen Spezies, denen ich bisher begegnet bin, waren aggressiv und auf Beute aus.”
- Hess’irolia’nuruodo tret eerstmols in Der verschollene Planet, ’nen Band in de Romanreeg Das Erbe der Jedi-Ritter, op, un een van Darren Tan tekened Bild is in’n The Essential Reader’s Companion.
- De Schriever Timothy Zahn, de de Chiss in sien Roman Erben des Imperiums in’t Star-Wars-Universum inföhrt, hett egentlik ’n Naamssysteem fastleggen wüllt för Chiss met dreedelig Naam. De geven Naam in de Midden verbindet sick met’n laatst Laut van’n eerste un’n eerste Laut van’n laatst Naamsdeel un billed so den Kernnaam. He hett dat vöör allen in Die Kundschafter un Die Verschollenen nutzt. Maar laater hebben veele Schrievers disse Systeem ignoreert, äs ook hie. Irolia ward in Der verschollene Planet met’n geven Naam „Irolia“ ansnackt un nich met, äs de Regels dat seggen, „Sirolian“. Dat is nich bekannt, of dat’n Fehler van den Schrievers of wüllt is. Maar se maaken datsülfe laater ook bi Ina’ganet’nuruodo.
- Obschoon Hess’irolia’nuruodo in den Roman Der verschollene Planet seggt, dat se Offzeersch in’e Chiss Expansionary Defense Force is, dräägt se op Darren Tan sien Teeknung nich de – Zahn sien Die Verschollenen na begängige – swaarte Militäruniform, maar de griese van Grootadmirool Thrawn sien Household Phalanx un’n Riek van de Hand.